GITOR është themeluar më 01 shtator 2019 nga z. Bledian Ramadani dhe e motra znj.Bleona Ramadani, ndërsa aktivitetin e saj zyrtar e ka nisur më 01 qershor 2020. Që nga hapat e parë, GITOR ka ndërtuar një histori suksesi të jashtëzakonshme, duke u shndërruar me shpejtësi marramendëse në një prej shtyllave kryesore të industrisë së xhamit dhe ndërtimit në Kosovë dhe rajon. E udhëhequr nga një vizion i qartë dhe ambicioz, kompania u fokusua fillimisht në tregtinë me shumicë të produkteve të xhamit dhe artikujve të saj, duke e ngritur cilësinë në nivel standardi dhe duke e kthyer besueshmërinë në markë dalluese. Me një vëmendje të pandalshme ndaj zhvillimeve të tregut dhe kërkesës gjithnjë në rritje për produkte premium, GITOR ndërmori një ofensivë strategjike për të sjellë në treg produkte elitare, të pakonkurrueshme për nga cilësia dhe performanca. Në më pak se një vit, GITOR arriti një rekord mbresëlënës duke importuar produkte xhami nga 13 shtete, duke ndërtuar aleanca të fuqishme me fabrikat më prestigjioze globale dhe duke krijuar ura lidhëse me partnerë kyç që diktojnë ritmin e tregut ndërkombëtar të xhamit. Kulmi i këtij rrugëtimi është marrëveshja historike me AGC, fabrikën më të madhe të xhamit në botë, për sjelljen ekskluzive të produkteve të saj në tregun kosovar dhe rajonal – produkte që më parë kanë qenë të paimagjinueshme për këtë treg dhe që sot përfaqësojnë zgjidhjen absolute për sfidat më komplekse ndërtimore. Sot, GITOR nuk është thjesht një furnizues – është një forcë dominuese rajonale. Kompania furnizon dhe eksporton në të gjithë Ballkanin Juglindor, duke përfshirë Shqipërinë, Maqedoninë e Veriut dhe Malin e Zi, dhe duke vendosur standarde të reja të shërbimit, shpejtësisë dhe kapacitetit logjistik. Si pjesë e strategjisë së zgjerimit agresiv dhe vizionit për dominim rajonal, GITOR ka hapur terminalin më të madh të xhamit në Tiranë – Shqipëri, një investim kolosal që e ka shndërruar kompaninë në lider absolut dhe kompaninë më të madhe të tregtisë së xhamit në Evropën Juglindore. Po ashtu, së fundmi, GITOR ka blerë fabrikën e betonit “Fitorja” Sh.p.k., duke u pozicionuar menjëherë si një ndër prodhuesit më të fuqishëm të betonit në Prishtinë, dhe duke kompletuar zinxhirin e furnizimit për sektorin e ndërtimit me kapacitete industriale të pakrahasueshme. Përtej industrisë së xhamit dhe betonit, GITOR shtrihet fuqishëm edhe në fushën e patundshmërisë, ku zotëron dhe menaxhon asete strategjike, prona kyçe dhe pasuri të paluajtshme me rëndësi të veçantë në gjithë territorin e Republikës së Kosovës dhe rajonit. Misioni ambicioz GITOR 2033 përfaqëson një udhërrëfyes të qartë drejt së ardhmes, të fokusuar në revolucionarizimin e tregut të xhamit dhe ndërtimit, avancimin e vazhdueshëm të standardeve dhe sjelljen e produkteve më inovative dhe më cilësore, me theks të veçantë në produktet e AGC-së si zgjidhja supreme për nevojat ndërtimore moderne.